ഇന്ത്യൻ ആർമിയിലെ ഉദ്യോഗസ്ഥനായിരുന്ന കെ. വാസുദേവൻ നായരുടെയും വിലാസിനിയമ്മയുടെയും ഇളയ മകനായി 1976 ജൂൺ 30-ന് തിരുവനന്തപുരം ജില്ലയിലെ വെഞ്ഞാറമൂട്ടിലാണ് സുരാജ് ജനിച്ചത്. ആറ്റിങ്ങൽ ഐ ടി ഐ യിൽ പഠിച്ചു.ആർമി ഉദ്യോഗസ്ഥനായ സജിയും സുനിതയുമാണ് സഹോദരങ്ങൾ.
മിമിക്രി വേദികളിലൂടെയാണ് സുരാജ് തന്റെ കലാജീവിതം ആരംഭിക്കുന്നത്. ശബ്ദാനുകരണത്തിലെ അദ്ദേഹത്തിന്റെ പ്രത്യേക ശൈലി വേഗത്തിൽ ശ്രദ്ധിക്കപ്പെട്ടു. കൈരളി ടിവിയിലെ ‘ജഗപുക’ എന്ന ഹാസ്യ പരിപാടിയിലൂടെയാണ് അദ്ദേഹം ടെലിവിഷൻ പ്രേക്ഷകർക്കിടയിൽ പ്രിയങ്കരനായി മാറുന്നത്.

2001-ൽ പുറത്തിറങ്ങിയ അപ്രധാനമായ ഒരു വേഷത്തിലൂടെ സിനിമയിലെത്തിയെങ്കിലും, 2005-ൽ മമ്മൂട്ടി നായകനായ ‘രാജമാണിക്യം’ എന്ന ചിത്രത്തിൽ തിരുവനന്തപുരം ശൈലിയിലുള്ള ഡയലോഗുകൾക്ക് ശബ്ദം നൽകിയത് അദ്ദേഹത്തിന്റെ കരിയറിൽ വഴിത്തിരിവായി. തുടർന്ന് രാജസേനന്റെ ‘സത്യം ശിവം സുന്ദരം’, ‘തുറുപ്പുഗുലാൻ’, ‘മായാവി’, ‘ഹലോ’, ‘അണ്ണൻ തമ്പി’ തുടങ്ങി നിരവധി ചിത്രങ്ങളിൽ അദ്ദേഹം മികച്ച ഹാസ്യ വേഷങ്ങൾ കൈകാര്യം ചെയ്തു.കേവലം ഒരു ഹാസ്യ നടൻ എന്നതിലുപരി മികച്ച ഒരു ക്യാരക്ടർ ആക്ടറാണ് താനെന്ന് സുരാജ് പിന്നീട് തെളിയിച്ചു. ഡോ. ബിജു സംവിധാനം ചെയ്ത ‘പേരറിയാത്തവർ’ (2013) എന്ന ചിത്രത്തിലെ അഭിനയത്തിന് മികച്ച നടനുള്ള ദേശീയ പുരസ്കാരം ലഭിച്ചത് അദ്ദേഹത്തിന്റെ കരിയറിലെ സുവർണ്ണ നേട്ടമായി.

സഹോദരങ്ങൾ: സുനിത, സജി (നടൻ).

ഭാര്യ :സുപ്രിയ.

മക്കൾ:കാശിനാഥൻ, വാസുദേവ്, ഹൃദ്യ