Oronnay Viriyunna Dhyanamizhi

Description

ദൈവദർശനങ്ങളുടെ സ്വപ്‌നവേളയിൽ ഒരിക്കൽ ഞാൻ ചോദിച്ചു:

എന്റെ പിതാവേ, അങ്ങയുടെ പേരേടു പുസ്‌തകത്തിൽ ഞാനുണ്ടോ? ഉണ്ടെങ്കിൽ എന്താണെന്റെ പേര്?

ദൈവം നിലാവുപോലെ ചിരിച്ചു.

മഴയെന്ന് ഉത്തരം തന്നു.

മകളേ, നീ ഒരു പേരല്ല;

ആറു ഋതുക്കളിലും നിറയുന്ന അവസ്‌ഥയാണ്.

മാറ്റങ്ങൾക്കു വഴങ്ങാത്ത പ്രകൃത്യവസ്‌ഥ. നിന്നെ ചൊല്ലിവിളിക്കാൻ കനിവ് എന്നൊരു ഭാഷയെ ഞാൻ കണ്ടെത്തുകയായിരുന്നു.

ആശ്ചര്യ ചിഹ്നങ്ങൾക്കു പ്രസക്തിയില്ലാതെയും ദൈവം മനുഷ്യരോടു മിണ്ടുന്നു.

ചോദ്യങ്ങൾക്ക് ഉത്തരം നൽകുന്നു,

സങ്കടങ്ങൾ ആറ്റുന്നു,

സമാധാനത്തിൻ്റെ സന്ധിയിൽ ഒപ്പുവയ്ക്കുന്നു.